Hindistonning Air India milliy aviakompaniyasi 29 yillik tanaffusdan keyin Iroq bilan parvozlarni tikladi. Aviakompaniya Najaf shahriga shia ziyoratchilarini yetkazdi, deb xabar berdi al-Sumariya telekanali.
“Aviaaloqa Najaf-Nyu-Dehli-Najaf yo‘nalishi bo‘yicha haftasiga 2 marta – dushanba va payshanba kunlari amalga oshiriladi”, deyilgan xabarda.
Hindiston aviakompaniyalari Bag‘dodga qarshi xalqaro sanksiyalar kiritilgani sababli 1990 yilda Iroqqa parvozlardan voz kechgan va uzoq vaqt davomida xavfsizlik nuqtai nazaridan ularni tiklamagan. Deyarli 30 yillik tanaffusdan keyingi ilk samolyot 14 fevralda Najafga – shia musulmonlarining bosh ziyoratgohlaridan biriga qo‘ngan. Hindistonning Iroqdagi elchisi Pradipa Singxa Rajpuroxita ushbu voqeada bevosita ishtirok etgan.
