Ҳиндистон 29 йиллик танаффусдан кейин Ироқ билан авиаалоқани тиклади

Жаҳон 20:06 / 15.02.2019 2641

Ҳиндистоннинг Air India миллий авиакомпанияси 29 йиллик танаффусдан кейин Ироқ билан парвозларни тиклади. Авиакомпания Нажаф шаҳрига шиа зиёратчиларини етказди, деб хабар берди al-Sumariya телеканали. 

“Авиаалоқа Нажаф-Нью-Деҳли-Нажаф йўналиши бўйича ҳафтасига 2 марта – душанба ва пайшанба кунлари амалга оширилади”, дейилган хабарда.

Ҳиндистон авиакомпаниялари Бағдодга қарши халқаро санкциялар киритилгани сабабли 1990 йилда Ироққа парвозлардан воз кечган ва узоқ вақт давомида хавфсизлик нуқтаи назаридан уларни тикламаган. Деярли 30 йиллик танаффусдан кейинги илк самолёт 14 февралда Нажафга – шиа мусулмонларининг бош зиёратгоҳларидан бирига қўнган. Ҳиндистоннинг Ироқдаги элчиси Прадипа Сингха Ражпурохита ушбу воқеада бевосита иштирок этган.

Кўпроқ янгиликлар