«Real» sardori Serxio Ramos «Ayaks»ga qarshi kechgan YeChL 1/8 finali dastlabki uchrashuvida sariq kartochka oldi.
32 yoshli ispan 89-daqiqada raqib hujumchisi Kasper Dolbergga nisbatan fol ishlatgani uchun ogohlantirildi. Bu bilan u YeChLning bu mavsumida uchinchi marta sariq kartochka oldi va endi 5 mart kuni Madridda o‘tadigan javob uchrashuvini o‘tkazib yuboradi.
O‘yindan so‘ng Ramos ataylab sariq kartochka ishlab olganini tan oldi, ammo keyinroq Twitter sahifasida buni inkor etdi.
«Natijaga qarab turib, buni ataylab qilmadim, deb aytsam yolg‘on bo‘lardi. Bu raqibga past nazar bilan qarash emas, shu bilan birga g‘alabali seriyamiz tugashi haqida ham o‘ylamadim. Ammo futbolda og‘ir qarorlar qabul qilishga to‘g‘ri keladi», – deya tushuntirgan Ramosning so‘zlarini keltirdi Goal.
🚨🚨🚨¡¡OJO!! ¿HA FORZADO LA TARJETA @SergioRamos?
— El Chiringuito TV (@elchiringuitotv) 13 fevralya 2019 g.
"Sí, la verdad que viendo el resultado... Es algo que tenía presente. No es subestimar al rival pero a veces toca tomar decisiones y lo he decidido así".
¡TODOS a #ChiringuitoMadrid YA! pic.twitter.com/UJvig1yYSC
Ammo himoyachi ijtimoiy tarmoqdagi sahifasida bu so‘zlarini inkor etib chiqdi.
«Shuni aniqlashtirishni istardimki, diskvalifikatsiya meni hammadan ko‘proq ranjitadi. «Roma» bilan kechgan YeChLdagi oldingi o‘yinimizdagi kabi, bugungi kartochkani ham atayin olganim yo‘q.
Endi «Real»ni muxlislar kabi tribunadan turib, chorak finalni tasavvur qilgancha qo‘llab-quvvatlayman», – deb yozdi Ramos.
Quiero dejar claro que me duele más que a nadie, que no he forzado la tarjeta, como tampoco lo hice contra la Roma en mi anterior partido de @ChampionsLeague, y que apoyaré desde la grada como un hincha más con la ilusión de poder estar en cuartos.#HalaMadrid https://t.co/zL0Heok5Vp
— Sergio Ramos (@SergioRamos) 13 fevralya 2019 g.
Ma'lumot uchun, 2010 yil noyabrida YeChL doirasidagi «Ayaks» bilan o‘yinda (4:0) Ramos va Xabi Alonso ikki marta sariq kartochka olib, maydonni tark etishgandi. UYeFA bu ikki futbolchi «Real»ning o‘sha vaqtdagi bosh murabbiyi Joze Mourinoning qistovi bilan atayin kartochka ishlab olishgani yuzasidan tekshiruv o‘tkazib, Mourinoga ikki o‘yinni zaxira o‘rindig‘ida kuzatish taqiqi qo‘yilgan, Ramos va Alonso esa jarima to‘lashgandi.
Umuman, Serxio Ramos YeChL tarixida eng ko‘p marta (38ta) sariq kartochka olgan futbolchi sanaladi.
Ta'kidlash kerak, Amsterdamdagi kechagi uchrashuv «Real» sardori uchun «qaymoqranglilar» safidagi 600-o‘yin bo‘ldi.
600 - Sergio Ramos will become the seventh @realmadriden player to reach 600+ appearances in all competitions. Captain. pic.twitter.com/FqokQCn2mR
— OptaJose (@OptaJose) 13 fevralya 2019 g.
