Cognitive Technologies va «PK Transportniye sistemi» kompaniyalari Rossiyadagi birinchi haydovchisiz tramvayni ishlab chiqdi. Bu haqda «Vedomosti» xabar bermoqda. Uning test sinovlari yaqin vaqt ichida Moskvada bo‘lib o‘tadi.

Yangi tramvay 17-yo‘nalishida (Ostankino - Medvedkovo) sinovdan o‘tkaziladi. Sinov vaqtida haydovchi kabinada bo‘ladi.

Haydovchisiz tramvaylardan tijorat maqsadida foydalanish 2021-2022 yillarda boshlanishi kutilmoqda.

«Vedomosti»ning yozishicha, birinchi bosqichda haydovchi tramvay harakatini nazorat qiladi, tizim ikki holatda uning harakatlariga aralasha oladi: haydovchi yo‘lning xavfli qismida yoki yomon ob-havo sharoitida juda tez harakat qilsa, tezlikni pasaytiradi, va yo‘lda begona obekt aniqlansa, u avtomatik tarzda tormoz oladi.