Испанияда қумга расм чизган сайёҳлар жазоланади

Жаҳон 17:02 / 11.02.2019 7149

Испаниянинг Гран-Канария оролида сайёҳларга қумда расм чизиш, севги изҳор қилиш ёки соҳилда тошлардан юрак шаклини ясаганлик учун қамоқ жазосигача берилиши мумкин. The Sun нашри шу ҳақида хабар берди. 

Гап шундаки, 400 гектарни эгаллаган қум тепаликлари орол экотизимининг муҳим қисми, табиий қўриқхонанинг энг диққатга сазовор жойларидан ҳисобланади.  

Кўп сайёҳлар қумда ўз исмларини ёзишади, турли белгилар ва расмлар чизишади, инсон бўйи баравар шакллар ясашади. 

Табиат муҳофазачиларининг сўзларига кўра, Маспаломас қум тепаликларидаги муҳаббат изҳорлари шу қадар йирикки, улар ҳатто космосдан Google Maps суратларида ҳам кўзга ташланади. 

Экологларнинг таъкидлашича, дам олувчилар ўз вақтида тўхтатилмаса, қум тепаликларининг табиий гўзаллиги бутунлай йўққа чиқиши мумкин. Улар бунда "ўз санъат асарлари" билан селфи тушаётган туристлар айбдор деб ҳисоблашмоқда. Шунингдек ҳимоячилар хорижий гидларни соҳилдаги кўрсаткичлар сифатида тошларнинг бўяшда айблашмоқда, зеро вулқон тошларидаги бундай бўёқларни ўчириш жуда қийин.

Манбада қайд этилишича, барча хатти-ҳаракатлар ноқонуний бўлиб, агар жиноятчилар қўлга тушса, жарималар ва ҳатто қамоқ жазосигача қўлланади. Жарима ҳажми - 600 еврогача, шунингдек қонунни бузган кишилар ҳудудни тиклаш ишлари учун ҳам тўлашларига тўғри келади. 

Маҳаллий ҳукумат атроф-муҳитни асрашга йўналтирилган таълим кампанияси бошланиши ҳақида эълон қилди. Маълум қилинишича, бироз вақт ўтгач санкциялар кучайтирилади ва патруллар сони оширилади. 

Кўпроқ янгиликлар