«Manchester Yunayted» hujumchisi Markus Reshford Angliya Premer-Ligasi tomonidan yanvar oyining eng yaxshi futbolchisi deb topildi.
21 yoshli futbolchi o‘tgan oyda 4ta o‘yinda 3ta gol urdi, uning jamoasi esa 3 marta g‘alaba qozonib, 1 marta durang o‘ynadi.
Reshford sovrin uchun kurashda jamoadoshi Viktor Lindelyof, darvozabon Tom Hiton («Byornli»), hujumchi Joshua King («Bornmut»), hujumchi Aleksandr Lyakazett («Arsenal») va yarimhimoyachi Jyeyms Uord-Prausni («Sauthempton») ortda qoldirdi.
Qayd qilish joizki, afsonaviy Aleks Fergyuson 2013 yilda «Manchester Yunayted»ni tark etganidan so‘ng, bu sovrinni Antoni Marsial va Zlatan Ibrahimovich 1 martadan qo‘lga kiritishgan edi.
