Navoiy tavalludining 578 yilligi munosabati bilan 8 fevral kuni Respublika Bolalar kutubxonasi Toshkent shahrida aksiya tadbirini o‘tkazmoqda, deya xabar bermoqda kutubxona direktori Doniyor O‘rolov.
Kun.uz'ga ma'lum bo‘lishicha, Alisher Navoiy metro bekatida yo‘lovchilarga shoirning ijod namunalari taqdim etildi, uni yoddan ifodali aytib bera olganlar esa metro xizmatidan bepul foydalanishdi.
Aksiya tadbirida faol ishtirok etganlarga Navoiy ijodiga mansub badiiy adabiyotlar hamda kutubxona tomonidan nashr etiladigan «Bolalar adabiyoti» jurnali sovg‘a qilindi.