Қозоғистонда солиқ тўловчиларнинг ягона электрон ҳамёни жорий этилади

Иқтисодиёт 15:10 / 28.01.2019 2982

Қозоғистонда солиқларни тўлаш учун ягона электрон ҳамён жорий этилади. Бу ҳақда молия вазири Алихан Смаилов маълум қилди, деб хабар берди Tengrinews.kz. 

Вазирнинг сўзларига кўра, бу солиқларни электрон тўлов жараёнини соддалаштиради.

“Бу борада Эстония тажрибаси намуна бўлади. Бу ерда солиқ тўловчи солиқларни ягона реквизит бўйича тўлайди. Сўнгра ушбу сумма жисмоний шахснинг барча солиқлари бўйича тақсимланади”, деган у.

Смаиловнинг сўзларига кўра, бунинг натижасида солиқ тўлашда хатолар бўлмайди, тўлов ҳужжатлари сони камаяди, тушунарсиз тўловлар ва асоссиз пенялар истисно этилади, солиқ тўловчиларнинг вақтлари тежалади, банклар, ғазнанинг ахборот тизимидаги юкламалар сони камаяди.

Қайд этилишича, солиқ тўлашнинг ягона сервисига ўтиш учун ахборот тизимларини қайта ишлаб чиқиш, бюджет, банк, солиқ ва божхона қонунчилигига ўзгартиришлар киритиш талаб қилинади.

Кўпроқ янгиликлар