«Ayaks» yarimhimoyachisi Frenki de Yong faoliyatini «Barselona»da davom ettiradi.

Klublar 21 yoshli futbolchining 75 million yevrolik transferini kelishib olishdi. Frenki 2024 yilgacha mo‘ljallangan shartnomani imzolaydi va 1 iyuldan boshlab kataloniyaliklar tarkibiga qo‘shiladi. Agar de Yong «Barselona» tarkibida muvaffaqiyatli o‘ynasa, «Ayaks» yana 11 million yevro bonus olishi mumkin bo‘ladi.

Avvalroq, «Pari Sen-Jyermen», «Manchester Siti» va «Yuventus» klublari de Yong xizmatiga qiziqish bildirayotgani haqida xabarlar tarqalgan edi. 

Joriy mavsumda futbolchi Gollandiya chempionatida 15ta o‘yin o‘tkazib, 3ta gol urgan.