Россия ТҚ Магнитогорск бўйича хабарларни рад этди

Жаҳон 16:54 / 18.01.2019 8116

Россия Тергов қўмитаси журналистларни Магнитогорскдаги фожиага алоқадор эканликлари ҳақида маълум қилишаётган террорчилик ташкилотлари хабарларига ишонмасликка чақирди. Бу ҳақда ТАСС хабар бермоқда.

Қайд этилишича, бу ҳақда РФ Тергов қўмитаси расмий вакили Светлана Петренко баёнот берган.

Унинг таъкидлашича, терговчилар Магнитогорскда қулаган уйнинг вайроналари остида портловчи модда изларини аниқлашмаган. Шунингдек, Петренконинг қўшимча қилишича, газ портлагани ҳақидаги версия устувор бўлиб қолади.

Тергов қўмитасидан қўшимча қилишларича, террорчилар «дунёнинг турли мамлакатларидаги барча шов-шувли ҳодисаларни ўзларига қўшиб қўйишади».

Эслатиб ўтамиз, аввалроқ ИШИД Магнитогорскдаги портлашлар учун масъулиятни ўз зиммасига олганди.

Кўпроқ янгиликлар