Варшавада Польша ва Хитой фуқаролари жосусликда гумонланиб ҳибсга олинди

Жаҳон 14:50 / 11.01.2019 3888

Huawei концернининг Польшадаги бўлими директорларидан бири Вэйцзин В. ва Польша миллий хавфсизлик агентлигининг собиқ юқори лавозимли амалдори Петр Д. ХХР фойдасига жосуслик қилишда гумонланиб ҳибсга олинди. Бу ҳақда Польша давлат телевидениеси хабар берди.

Телеканалнинг маълумот беришича, ҳар икки гумонланувчи уч ой муддатга ҳибсга олинган. Уларга Польшага қарши жосуслик қилиш айблови қўйилган. Шунингдек, хавфсизлик хизмати ходимлари гумонланувчиларнинг уйларида тинтув ўтказишган. Бундан ташқари, Huawei ва Петр Д. ишлаётган Orange фирмаси офисларидаги ҳужжатлар мусодара қилинган.

Хабар қилинишича, гумонланувчилар айбларига иқрор бўлишмаган ва бу иш бўйича кўрсатма беришдан бош тортишмоқда. 

Кўпроқ янгиликлар