Самарқанддаги «Сино» заводи инвесторларга топширилади

Ўзбекистон 17:24 / 11.01.2019 12989

Самарқанддаги банкрот бўлган «Сино» музлатгичлар заводи инвесторларга топширилади. Бу ҳақда президент қарорида айтилган.

Компания «ноль» қиймат бўйича берилади, бироқ корхонани соғломлаштириш учун инвестициялар киритиш ҳамда кредиторларга қарзларни тўлаш шарти билан.

1973 йилда қурилган завод «Помир», «Снежинка», «Самарқанд», «SINO» брендлари остида маҳсулот ишлаб чиқарган, қуввати йилига 250 мингта совутгич ишлаб чиқаришга мослашганди.

1991 йилда компания акциядорлик бўлди. 2003 йилда завод гранд олди, у янги агрегатлар йиғишни ташкил этишга имкон берди. 2009 йилда бу ерда LG музлатгичлари ишлаб чиқарила бошланди, 2012 йилда Хитойнинг Guangzhou Kinte Industrial’си иккита янги моделни ишлаб чиқариш учун жалб этилди.

2015 йилда акцияларнинг 88,8%ни хорижий инвесторга сотиш ҳақида қарор қабул қилинди. Самарқанд хўжалик суди 2018 йил августида «Сино»нинг банкротлиги тўғрисидаги аризани олди.

Эслатиб ўтамиз, аввалроқ заводнинг олдинги раҳбарига нисбатан жиноий иш очилгани хабар берилганди.

Кўпроқ янгиликлар