Россиялик омбудсмен Татьяна Москалькова Ўзбекистонга келади

Ўзбекистон 16:40 / 11.01.2019 5370

Россияда инсон ҳуқуқлари бўйича ваколатли вакил Татьяна Москалькова Ўзбекистонга амалий ташриф билан келади. Сафар давомида ваколатли вакил инсон ҳуқуқлари ва илмий жамоатчилик вакиллари билан бир қатор учрашувлар ўтказади, деб хабар бермоқда РИА Новости.

«Менда келгуси ҳафта Ўзбекистонга ташриф режалаштирилган. У ерда инсон ҳуқуқлари бўйича муҳокама этиладиган ва ҳал қилиниши зарур бўлган кўплаб мавзулар бор. Шунинг учун келгуси ҳафта шу нуқтаи назардан ишлайман», - дея Москалькованинг сўзларини келтиради агентлик.

Аввалроқ, Россияда инсон ҳуқуқлари бўйича ваколатли вакил 2018 йилда турли мамлакатлардан 600та, шу жумладан, Ўзбекистондан 35та шикоят ва илтимослар қабул қилиб олгани маълум бўлганди.

Мурожаатлар, биринчи навбатда, жиноят-процессуал ва жиноий-ижро этувчи қонунчиликка тегишли. Шунингдек, омбудсманга миграция муаммолари бўйича ҳам ёзишган.

Кўпроқ янгиликлар