Oliy Majlis Senati payshanba kungi majlisda 2019 yilga davlat byudjyetini YaIM 1,1 foizi yoki 4,5 trln so‘m miqdoridagi defitsit bilan ma'qulladi. Shu hafta parlament qonunchilik palatasi tomonidan tasdiqlangan byudjyet loyihasi bosh vazir o‘rinbosari, moliya vaziri Jamshid Qo‘chqorov tomonidan taqdim etildi. 

Davlat byudjyeti parametrlari 2019 yilga rejalashtirilgan YaIMning 2018 yilga nisbatan 5,4 foizga o‘sishi, inflyatsiya - 15,5 foiz darajasida hisobga olingan holda ma'qullandi.

Byudjyet daromad qismi YaIMga 24,2% yoki 102,6 trln so‘m miqdorida, xarajatlari - YaIMga 25,3 foiz yoki 107,4 trln so‘m miqdorida ta'minlanishi rejalashtirilgan.

Bu yil O‘zbekiston davlat byudjyeti va makroiqtisodiy ko‘rsatkichlar kelgusi uch yil uchun birinchi marta prognoz qilindi. Shu bilan birga, 2020-2021 yillarda byudjyet defitsitini YaIMga nisbatan 0,1%gacha kamaytirish rejalashtirilgan. Uni qoplash uchun 3 trln so‘mlik davlat qisqa muddatli obligatsiyalarini chiqarish mo‘ljallanmoqda.

Hukumat 2020 yilda YaIM o‘sishini 6 foizga, 2021 yilda - 7 foizga, inflyatsiya darajasi pasayishini - mos ravishda 12,6 foiz va 9,9 foizga prognoz qilmoqda.

O‘zbekistonning 2018 yilga mo‘ljallangan byudjyeti o‘tgan yilning dekabr oyida YaIM 0,02 foiz profitsit bilan tasdiqlangandi. Kuzda hukumat parametrlarni o‘zgartirdi va 1,2 foiz defitsitni, YaIM 5,2 foizga o‘sishi, inflyatsiya - 18,8 foiz bo‘lishini prognoz qildi.