Республика суд-тиббий экспертиза илмий-амалий марказида ген-молекуляр тадқиқотлар ўтказилади

Ўзбекистон 09:36 / 07.12.2018 1923

Ўзбекистон Республикаси президентининг “Ўзбекистон Республикаси Соғлиқни сақлаш вазирлиги суд-тиббий хизмати фаолиятини янада такомиллаштириш чора-тадбирлари тўғрисида”ги қарори имзоланди.

Ҳужжат билан Ўзбекистон Республикаси Соғлиқни сақлаш вазирлиги суд-тиббий хизматининг моддий-техник базасини тубдан яхшилаш бўйича чора-тадбирлар дастури ҳам тасдиқланди.

Дастурга кўра, Республика суд-тиббий экспертиза илмий-амалий маркази ва унинг Қорақалпоғистон Республикаси, Самарқанд ва Фарғона вилоятларидаги филиаллари ген-молекуляр тадқиқотлар ўтказиш жиҳозлари билан таъминланади.

Бу борадаги ижро муддати - 2019-2020 йиллар давомида. Молиялаштириш манбаи: бюджет маблағлари, ХМИ маблағлари.

Ижрочилар ССВ (А.Шодмонов), Молия вазирлиги (А.Ҳайдаров), Инвестициялар бўйича давлат қўмитаси (С.Холмуродов), Иқтисодиёт вазирлиги (Б.Хўжаев), Қорақалпоғистон Республикаси Вазирлар Кенгаши, тегишли вилоят ҳокимликлари.

Эслатиб ўтамиз, аввалроқ Суд-тиббий экспертиза бош бюроси Республика суд-тиббий экспертиза илмий-амалий маркази этиб қайта ташкил этилганди.

Кўпроқ янгиликлар