2004 yilda tug‘ilgan, Toshkent viloyati Toshkent tumani Keles shahridagi 18-maktab o‘quvchisi G‘afurova Visola Ravshan qizi qidirilmoqda. Bu haqda  Toshkent shahar IIBB  matbuot xizmati ma'lum qildi.

Xabarda aytilishicha, u 29 noyabr kuni soat taxminan 12 da Toshkent shahri Mirzo-Ulug‘bek tumani Parkent ko‘chasida joylashgan qarindoshining uyidan chiqib, bedarak yo‘qolgan. 

Belgilari: bo‘yi 150 sm, sochlari uzun va yorqin jigar rang, gavda tuzilishi o‘rtacha. Egnida qora palto, qora shim va mexli etiklar bo‘lgan.

Toshkent shahar IIBB uning qayerdaligi haqida ma'lumotga ega bo‘lganlardan 102 raqami orqali xabar berishlarini so‘ragan.