Apple korporatsiyasi sentabr oyida ommaga taqdim etgan iPhone'ning har uchala modeliga buyurtmalar qabul qilishni kamaytirdi. Bu haqda WSJ o‘z manbalariga tayangan holda xabar bermoqda. 

Nashrga ko‘ra, yangi mahsulotga bo‘lgan kutilganidan ham past talab va korporatsiyaning yangi modellarni ishlab chiqarish haqida bosh qotirishi kompaniyaning kelgusi rejalarini prognozlashtirishga ta'sir qilmoqda. 

Oktyabr hisobotiga ko‘ra, iPhone XR ishlab chiqarilishi qisqartirilgan, bundan tashqari kompaniya kelgusida ham qisqarish davom etishini ma'lum qilgan. 

1976 yilda asos solingan Apple korporatsiyasi yuqori texnologiyali iPhone uyali aloqa vositalari, iPad planshetlari, MacBook noutbuklari va iMac desktoplari bilan mashhur. Kupertinoda joylashgan shtab-kvartirada ish olib boruvchi korporatsiyaning moliyaviy kapitalizatsiyasi 1 trillion dollardan oshadi.