MAKning Toshkent - Mumbay yo‘nalishidagi samolyoti Samarqandga favqulodda qo‘ndi

O‘zbekiston 11:20 / 16.11.2018 31987

Toshkent - Mumbay reysidagi samolyot yo‘lovchilardan birining ahvoli yomonlashishi tufayli Samarqandga favqulodda qo‘ndi. Bu haqda «O‘zbekiston havo yo‘llari» xabar bermoqda.

Trapda yo‘lovchini tez yordam mashinasi kutib turgan, unda u viloyat markazidagi kasalxonalardan biriga olib ketildi.

HY-427 Toshkent-Mumbay yo‘nalishidagi reys soat 00:05da Toshkent aeroportidan parvoz qilgan. Oradan ko‘p o‘tmay, samolyot Afg‘oniston hududi uzra bo‘lganida, yo‘lovchi o‘zini yomon his qila boshlagan. Yo‘lovchining ahvolini yomonlashgani  uchun ekipaj shoshilinch ravishda ortga qaytish va yo‘lovchini yirik shaharlardan biridagi eng yaqin aeroportga yetkazishga qaror qildi. Samarqand yaqinligi va yo‘lovchini qabul qilishi mumkin bo‘lgan yirik tibbiy muassasalarga egaligi yuzasidan eng optimal variantga aylandi.

Yo‘lovchi yurak xuruji bilan kasalxonaga yotqizilgandan so‘ng, samolyot parvozni davom ettirgan va Mumbayga biroz kechikish bilan yetib borgan (6:15da).

Ko‘proq yangiliklar: