«Barselona» bosh direktori Pep Segura yarimhimoyachi Usmon Dembele bilan yuzaga kelgan ziddiyat va uni jamoadan ketishi haqidagi mish-mishlarga izoh berdi.

«Bizda Dembele bilan muammo yo‘q. Bu katta klubga o‘tib, ko‘plab mahoratli futbolchilarni uchratgan yosh va iqtidorli futbolchi uchun tabiiy hol. Avvalroq u bunday xolatga duch kelmagan edi, shuning uchun ham unga moslashib olish uchun vaqt kerak. U hali juda yosh, hozir uning jamoaga tezroq moslashib ketishi uchun barcha choralarni ko‘ryapmiz.

Ayni paytda Dembele bo‘yicha hech qanday taklif olmadik va biz jamoada o‘zgarish sodir qilmoqchi emasmiz», — deb Segura so‘zlarini keltirmoqda ESPN.

Avvalroq, Dembelening intizomsizligi, xususan, mashg‘ulotlarga kech qolishi tufayli, «Barselona» uni transferga qo‘yishi haqida xabarlar tarqalgan edi.