Shimoliy Koreyaning Tinchlik bo‘yicha Osiyo-Tinch okeani qo‘mitasi raisi o‘rinbosari Ri Chjon Xek boshchiligidagi delegatsiya Janubiy Koreyaga tinchlik va farovonlik masalalari bo‘yicha xalqaro forumda ishtirok etish uchun yetib keldi. Bu forum Seul yaqinida 16 noyabrda bo‘lib o‘tadi. 

Yonhap axborot agentligining ma'lum qilishicha, delegatsiya tarkibiga Shimoliy Koreyaning 5 nafar yuqori martabali mansabdor shaxsi kirgan. 

“Shimol va Janub munosabatlarning burilish onlarini boshdan kechirayotgan bu tarixiy davrda Janubiy Koreya yeriga qadam tashlashdan xursandman”, deb aytgan Xek Inchxon aeroportida. 

Forumda Janubiy va Shimoliy Koreya rasmiy shaxslaridan tashqari, Yaponiyaning sobiq bosh vaziri Yukio Xatoyama ham chiqish qiladi.