SWIFT kompaniyasi o‘z tizimidan Eronning markaziy banki va boshqa moliyaviy muassasalarini uzib qo‘ydi. Bu haqda AQSh moliya vaziri o‘rinbosari Sigal Mandelkerga iqtibos keltirgan holda Reuters axborot agentligi xabar berdi. 

SWIFT bir hafta avval Eronning bir qator banklarini axborot almashish tizimidan uzib qo‘yganini ma'lum qilgandi. Ushbu qaror AQShning Eronga qarshi sanksiyalarni tiklashi bilan bog‘liq holda qabul qilingan.  

SWIFT banklararo axborot almashish va to‘lovlarni amalga oshirish uchun mo‘ljallangan xalqaro tizim bo‘lib, uning ta'sischilari 19 ta davlatdan 248 ta bank hisoblanadi.