Флоридада рекорд ўлчамдаги бўғма илон ўлдирилди

Жаҳон 01:01 / 09.11.2018 47900

АҚШнинг Флорида штатидаги Майами-Дейд округида рекорд ўлчамдаги қора йўлбарс бўғма илони ўлдирилди.  

Илоннинг узунлиги 5,3 метрни, оғирлиги 54 кгни ташкил қилган. Таъкидланишича, Жанубий Флоридада бундай катта ўлчамдаги илон ҳали тутилмаганди. Бўғма илонларни қириш дастури мавжуд бўлган вақтдан бери овчилар узунлиги 5,18 метрдан каттароқ бўлган учтагина питонни ўлдира олишган.

Бўғма илонни Хомстед шаҳридан бўлган Кайл Пеннистон ўлдирган. Таъкидланишича, у илонни бир ўзи эплай олган. Бу овчининг ҳисобидаги 235 илон бўлган. 

Қора йўлбарс бўғма илонлар Жануби-Шарқий Осиёда яшайди. Бундай илоннинг узунлиги одатда 3,7 метрни ташкил қилади, бироқ 5,74 метрлик илонлар ҳам учрайди. 

Бу илонлар Флоридага 30 йил олдин келиб қолган. Улар Эверглейдсда кўпайиб, маҳаллий жонзотларни қира бошлаган. Ушбу илонларнинг одамларга ҳужум қилгани ҳақида маълум қилинмаган. Жорий йилда питонларни қириш дастури доирасида 1859 та бўғма илон ўлдирилган.