Internetda, ommaviy namoyishi 27 oktabrga belgilangan, yangi McLaren Speedtail supergibridi suratlari paydo bo‘ldi. Giperkar Ultimate Series qatorining bir qismi bo‘lib, marka tarixidagi eng tez avtomobil nomi uchun kurashib ko‘radi. Bundan tashqari, avtomobilni xarid qiluvchilarga avval mavjud bo‘lmagan personallashtirish darajasi taklif etiladi. 

McLaren Speedtail afsonaviy F1’ning g‘oyaviy davomi hisoblanadi. Supergibrid 3 o‘rindiqli salon va 570S GT4 poyga avtomobilidan 8 silindrli benzin-elektr kuch qurilmasi oladi. Gaplarga qaraganda, giperkar 100 km/soat tezlikka bor-yo‘g‘i 2 soniyada erishadi, maksimal tezligi esa 420 km/soatdan oshadi.

Kompaniyada ta'kidlanishicha, Speedtail modeli McLaren’ning eng hashamatli modeli bo‘ladi. Kompaniyaning MSO bo‘limi mashina uchun cheksiz sonda kuzov rangi va salonning bezalishini hamda 18 qirotli oq oltin, platina, alyuminiy va oddiy nakleyka ko‘rinishidagi bir necha emblemalar to‘plamini taklif etadi. Qimmatbaho metallardan logotiplarni Olimpiada medallari va kuboklar yaratishga ixtisoslashgan Vaughtons britan firmasi shug‘ullanadi.

Giperkarning asosiy funksiyalarini displey yordamida boshqarish taklif qilingan. Mashina shiftida uzatmalar qutisi tugmalari, old ustunlar tagida yon tomonni ko‘rish kameralaridan tasvir chiqariluvchi ekran joylashtiriladi.

McLaren Speedtail kuzovida innovatsion materiallar, ehtimol o‘ta yengil nanokompozitlar qo‘llanadi.