O‘zbekistonda 1 oktabrdan avtomobil yuvish shoxobchalari uchun suv solig‘i oshirildi

O‘zbekistonda 2018 yilning 1 oktabridan boshlab yer usti va yer osti suv manbalaridan foydalanish solig‘i oshirildi. Bu O‘zbekiston prezidentining 2018 yil 2 iyul kuni imzolangan «Suv resurslaridan foydalanish samaradorligini oshirish bo‘yicha chora-tadbirlar to‘g‘risida»gi qarorida ko‘zda tutilgan.

Jumladan, avtomobillarni yuvish shoxobchalari soliqlar yig‘ish tizimidan qat'i nazar (soliq yig‘ishning umumiy yoki soddalashtirilgan tartibi), hatto yagona soliqni to‘lagan bo‘lsa ham, ushbu soliqqa tortiladi.

Yuqoridagi hujjatga ko‘ra, 1 oktabrdan avtotransportlarni yuvishga ixtisoslashtirilgan korxonalar yerusti suv resurslari manbalari uchun 1000 so‘m, yerosti suv resurslari manbalari uchun 1250 so‘m to‘laydi.