Kompaniya blogida Osiyodagi ilk data-markazning qurilishi boshlangani haqida e'lon qilingan. Singapurdagi 11 qavatlik data-markazning qurilishi kompaniyaga 1 mlrd dollarga tushadi.

Yangi binoning umumiy maydoni 170 ming kvadrat metrni tashkil qiladi. Uning qurilishi Singapurga yangi ish o‘rinlarini beradi deya rejalashtirilmoqda.Qurilishda ham, keyinchalik faoliyatda ham Facebook State Point Liquid Cooling (SPLC) texnologiyasidan foydalanadi. Bu esa suv va serverlarni sovutish uchun elektrdan kamroq foydalanishni anglatadi.

SPLC tizimi serverlarning samarali faoliyati uchun zarur bo‘lgan maydonni kamaytirib, kompaniyani mexanik sovutish zaruriyatidan xalos etadi. Keyinchalik data-markaz yashil energiya hisobiga ishlaydi.

Bugungi kunda Osiyo-Tinch okeaniga ijtimoiy tarmoq foydalanuvchilarining 40 foizi yoki 894 million kishi to‘g‘ri keladi.