JV MAN Auto-Uzbekistan O‘zbekiston-Germaniya qo‘shma korxonasi yil oxirigacha «Toshshahartransxizmat»ga 40ta past polli MAN A22 CNG katta sig‘imga ega avtobuslarni yetkazib beradi, ular siqilgan tabiiy gazda (CTG) ishlaydi.

«Barcha istaklarni inobatga olib, endi MAN A22 CNG avtobuslari konditsioner bilan ham jihozlanadi. 2019 yilning birinchi choragida yanada 40ta MAN avtobusi Toshkent ko‘chalarida paydo bo‘ladi, keyingi yil oxirigacha esa - qo‘shimcha 190ta», - deya xabar berishgan kompaniyadan.

Ko‘p sonli MAN avtobuslari sotib olinishi munosabati bilan Toshkentda yirik servis markazi ochiladi.

Siqilgan gazda ishlovchi avtobuslarning afzalligi shundan iboratki, ulardan foydalanish chog‘ida shunga o‘xshash dizelli modellardan ko‘ra kamroq zararli moddalar chiqariladi.

Eslatib o‘tamiz, avvalroq O‘zbekistonga elektrobuslar olib kelinishi xabar berilgandi.