Malayziyaning sobiq bosh vaziri 681 mln dollarni o‘zlashtirib yuborganlikda ayblanmoqda

Jahon 11:22 / 20.09.2018 3548

Malayziya politsiyasi mamlakat sobiq bosh vaziri Najib Razzoqqa nisbatan 681 mln dollarning noqonuniy o‘zlashtirishi bilan bog‘liq 21 holat bo‘yicha ayblov e'lon qilmoqchi. Bu haqda milliy politsiya boshlig‘i o‘rinbosari Rashid Ibrohim ma'lum qildi.

Uning so‘zlariga ko‘ra, "gap xususan noqonuniy ravishda pul olish va sarflash hamda bu pullarni boshqa hisob raqamlariga o‘tkazish" haqida bormoqda. U "Najib Razzoq pul yuvish va terrorizmni moliyalashtirish to‘g‘risidagi qonunni buzganlikda ayblanishini" bildirdi.

Sobiq bosh vazir yaqinda korrupsiyaga qarshi kurash boshqarmasi xodimlari tomonidan qo‘lga olingandi. U 20 sentabr kuni sud oldida javob berishi kutilmoqda.

Najib Razzoq iyul oyida SRC International davlat investitsiya fondining 10,2 mln dollar mablag‘ini o‘zlashtirib olganlikda ayblangandi. Bu ish bo‘yicha sud ishi kelgusi yil fevralida bo‘lib o‘tishi rejalashtirilgan.

Ko‘proq yangiliklar: