Mutlaq jangchilar chempionati (UFC) yengil vazn toifasidagi chempioni Habib Nurmagomedovning otasi Abdulmannop Nurmagomedovning ma'lum qilishicha, irlandiyalik jangchi Konor Makgregor avtobusga hujum uchun javob beradi.

2018 yilning aprelida irlandiyalik jangchi promoushen jangchilari, jumladan, rossiyalik Habib Nurmagomedov bo‘lgan avtobusga hujum qildi. Shundan so‘ng, politsiya departamenti jangchini hibsga olish haqida order berdi. U yetti yilga ozodlikdan mahrum qilinishi mumkin edi.

«Qarashlar urushi aktagondagi urushdan keyin hisobga olinmaydi. Jangni buzishi mumkin bo‘lgan hamma narsa qabul qilib bo‘lmasdir. Sabrli odam mevadan bahramand bo‘ladi. 30 yosh - bu o‘smir emas, balki yetuk va mas'uliyatli jangchidir. Bugun muxlislarimiz oldida juda mas'uliyatli kun. Undan Rossiyadagi jahon chempionatida tushuntirish berishni so‘rash mumkin edi, ammo u bizning mamlakatimizga mehmon bo‘lib keldi. Las-Vegasda biz betaraf hududda bo‘lamiz. U avtobus atrofidagi o‘yini uchun javob beradi», - deya yozgan Abdulmannop Nurmagomedov instagramda.

Nurmagomedov va Makgregor o‘rtasidagi jang 6 oktabr kuni Las-Vegasda bo‘lib o‘tadi.

Eslatib o‘tamiz, avvalroq Makgregor Nurmagomedov bilan jangga qanday tayyorlanayotganini ko‘rsatgandi.