Sony 1994 yilda sotuvga chiqqan birinchi PlayStation’ni qaytadan chiqaradi. Uning o‘lchami o‘sha davrdagidan 45%ga kichikroq bo‘ladi.

Sotuv 3 dekabrdan boshlanadi. Narxi esa 99,99 dollarni tashkil etadi.

PlayStation Classic o‘sha davrning 20ta eng ommabop o‘yinlari, jumladan Final Fantasy VII, Jumping Flash, Ridge Racer Type 4, Tekken 3 va Wild Arms o‘yinlari o‘rnatilgan holda bo‘ladi.

Sony o‘tmishdagi o‘yin konsollarini bozorga qaytarayotgan birinchi kompaniya emas. 2017 yilda Nintendo kompaniyasi Super Nintendo Entertainment System o‘yin konsolini qaytadan chiqargandi.