Shahrisabz shahrida prezident tashabbusi bilan I Xalqaro maqom festivali o‘tkazilmoqda.
Shahardagi Amir Temur haykali o‘rnatilgan Oqsaroy maydoni hududida respublikaning har bir viloyatining o‘ziga xos milliy urf-odat va an'analari, tarixiy obidalarini ifodalovchi ko‘rgazmali stendlari o‘rnatildi.
Bu yerda turli sahna ko‘rinishlari, milliy kuy-qo‘shiqlar, yallayu laparlar ijro etilib, tashrif buyuruvchilar uchun bayram muhiti hosil qilinmoqda.
«Kun.uz» muxbiri Shahrisabzda bo‘lib, anjuman manzaralarini fotolentaga muhrladi.