Турк лираси минимал рекордни янгилади

Иқтисодиёт 17:50 / 10.08.2018 8499

Турк лираси АҚШ долларига нисбатан 10%дан кўпроқ қийматини йўқотди. Бу ҳақда The Wall Street Journal ёзмоқда.

Таъкидланишича, кун аввалида доллар 6,21 лиралик даражада бўлган, бу Туркия валютаси учун янги минимум рекорддир.

«Бир неча кундан бери дунё бозорларида турк лирасининг кескин қулаши катта қизиқиш билан эътиборни тортмоқда. Афтидан, бу фақат Туркиянинг муаммоси сифатида қабул қилинмоқда», дейди Австралиянинг энг йирик банкларидан бири Westpac’нинг валюта таҳлилчиси Шон Каллоу.

Эслатиб ўтамиз, аввалроқ Америка Қўшма Штатлари турклар учун импортга имтиёзларни қайта кўриб чиқмоқчи экани хабар берилганди.