Toshkent shahri Chilonzor tumanida Bunyodkor va Cho‘pon ota ko‘chalari chorrahasida bunyod etilgan ko‘prik, bugun, 10 avgust kuni rasman ochildi.

Ushbu yo‘l o‘tkazgichning umumiy uzunligi 676 metr, kengligi 24 metrdan ziyod.

Endi Bunyodkor ko‘chasi bo‘ylab to‘xtovsiz va xavfsiz harakat ta'minlanadi. Yo‘l o‘tkazgichda transportlar 6ta qatorda harakatlanishi mumkin.   

Shuningdek, bu yerda 124 metrlik ikkita piyodalar o‘tish ko‘prigi qurilgan. Nogiron va keksalarga qulaylik yaratish maqsadida lift va eskalator o‘rnatilgan.