O‘zbekiston Respublikasi Tashqi ishlar vaziri Abdulaziz Komilov boshchiligidagi delegatsiya 20-22 iyul kunlari Issiqko‘lda bo‘lib o‘tadigan Markaziy Osiyo davlatlari tashqi siyosat idoralari rahbarlarining uchrashuvida ishtirok etadi.
TIV matbuot xizmati xabar berishicha, Qirg‘iziston, Qozog‘iston, Tojikiston, Turkmaniston va O‘zbekiston TIV rahbarlari 2018 yilning 15 mart kuni Ostona shahrida Markaziy Osiyo davlatlari rahbarlarining birinchi maslahatlashuvlari doirasida erishilgan kelishuvlarni amalga oshirish jarayonini muhokama qiladi. Shuningdek, mintaqaviy va xalqaro kun tartibidagi dolzarb masalalar yuzasidan fikr almashiladi.
