Innovatsion rivojlanish vazirligiga yangi vazir o‘rinbosari tayinlandi

O‘zbekiston 15:50 / 16.07.2018 11699

13 iyul kuni O‘zbekiston Respublikasi Prezidenti​ Shavkat Mirziyoyevning qaroriga ko‘ra, Nazarov Azimjon Soatmurod o‘g‘li O‘zbekiston Respublikasi Innovatsion rivojlanish vazirining o‘rinbosari lavozimiga tayinlandi. Bu haqda vazirlik Matbuot xizmati Kun.uz'ga ma'lum qilmoqda.

Shu paytga qadar, Azimjon Nazarov O‘zbekiston Respublikasi Innovatsion Rivojlanish vazirining o‘rinbosari vazifasini bajaruvchisi, Innovatsion rivojlanish vazirligi Tadqiqotlar va iqtisodiyot real sektoriga innovatsiyalarni joriy etish boshqarmasi boshlig‘i lavozimlarida ishlab kelgan.

42 yoshli vazir o‘rinbosari 1997 yili Toshkent irrigatsiya va qishloq xo‘jaligini mexanizatsiyalashtirish injyenerlar institutini va 2000 yili AQShning Texas qishloq xo‘jaligi va mexanika universitetini tamomlagan. Davlatlararo koordinatsion suv xo‘jaligi komissiyasining ilmiy-axborot markazida faoliyat yuritgan. Shuningdek, taxminan 10 yil davomida qishloq va suv xo‘jaligi, atrof-muhitni muhofaza qilish, ijtimoiy xavfsizlik, qayta tiklanadigan energiya manbalarini joriy qilish, institutsional tuzilish va shu kabi boshqa tarmoqlarda professional xizmatlarni taqdim etuvchi Nazar Business and Technology xususiy konsalting kompaniyasini boshqargan.

«Innovatsiya vazirligidagi faoliyati davomida ko‘plab loyihalarga mas'ul bo‘lib, jumladan, O‘zbekiston Respublikasining 2021 yilgacha innovatsion rivojlanish strategiyasini ishlab chiqishga katta hissa qo‘shdi», deyiladi vazirlik xabarida.

Ko‘proq yangiliklar: