Andijon shahrida Respublika va xalqaro musobaqalarda muvaffaqiyatlarga erishib, yurt sharafini munosib himoya qilayotgan yosh va umidli sportchilarning 52 nafariga oliy talim muassasalariga imtihonlarsiz, grant asosida kirish imkoniyatini beruvchi guvohnomalar topshirildi.

Tantanali tadbirda O‘zbekiston jismoniy tarbiya va sport vazirligi, viloyat boshqarmasi hamda jamoatchilik vakillari, sportchi yoshlarning ota-onalari, murabbiylar ishtirok etdilar

Marosimda so‘z olgan viloyat jismoniy tarbiya va sport boshqarmasi boshlig‘i O‘tkirbek Toshpo‘latov, murabbiylar va sportchilarning ota-onalari yoshlarga bugungi berilgan imtiyoz kelgusidagi g‘alabalarga poydevor bo‘lishi zarurligini uqtirdilar.

Shu bilan birgalikda chempion-sportchilarni tayyorlagan ustoz-murabbiylarga alohida ehtirom ko‘rsatildi.

O‘ylaymizki, sportda o‘zini ko‘rsatgan g‘olib yoshlarimizdan kelajakda malakali ustozlar yetishib chiqadi. 

Elmurod Ermatov, Andijon

 KUN.UZ muxbiri