15 iyulda Moskvadagi “Lujniki” stadionida jahon chempionatining finali bo‘lib o‘tadi. Finalda Fransiya va Xorvatiya to‘qnash keladi.

“Ushbu uchrashuvda ko‘plab xorijiy mehmonlar bo‘ladi. Taxminan 11-12 nafar prezident, bir necha bosh vazir va yuqori lavozimdagi boshqa kishilar bo‘ladi”, deb aytgan Rossiya prezidenti yordamchisi Yuriy Ushakov.

Ushakovning ta'kidlashicha, Rossiya prezidenti Vladimir Putin finalga keladigan davlatlar yetakchilari bilan uchrashuvlar o‘tkazadi. Ular orasida Falastin, Gabon, Sudan, Moldova, Vengriya, Qatar, Fransiya va Xorvatiya rahbarlari bor.