Трамп Меркель билан муносабатлари аъло даражада эканлигини айтди

Жаҳон 23:15 / 11.07.2018 3878

АҚШ президенти Дональд Трамп Германия канцлери Ангела Меркель билан НАТО саммити диорасида учрашувидан сўнг у билан савдо, “Шимолий оқим-2”, ҳарбий харажатларни муҳокама қилганини айтди ва учрашувни “аъло”, деб атади.

“Учрашувимиз аъло даражада ўтди. Биз ҳарбий харажатлар, савдони муҳокама қилдик. Канцлер билан муносабатларимиз жудаям яхши. Германия билан кучли алоқаларга эгамиз, ўйлайманки, ўзаро савдомиз ўсади ва бошқа кўп нарсалар ҳам ривожланади, аммо кўрамиз”, — деди у учрашувдан сўнг ва “Шимолий оқим-2” масаласини ҳам кўтарганини тасдиқлади.

Ўз навбатида, Меркель учрашув “иқтисодий ривожланиш, миграция, бўлажак савдо муносабатлари ҳақида фикр алмашишга имкон берганини” эътироф этди.

“Биз ҳамкорлармиз ва ҳамкорликни келгусида ҳам давом эттиришни истаймиз”, — деди у.