O‘zbekiston MDH mamlakatlari orasida Rossiyadan pul o‘tkazmalari bo‘yicha yetakchilikni saqlab turibdi. Bundan Rossiya Markaziy banki ma'lumotlari darak beryapti.

2018 yilning birinchi choragida Rossiyadan O‘zbekistonga 726 mln dollar o‘tkazilgan, ulardan Rossiya fuqarolari tomonidan faqat 200 mln dollari jo‘natilgan bo‘lsa, qolgan 525 mln dollar norezidentlar hissasiga to‘g‘ri keldi. Bir o‘tkazmaning o‘rtacha miqdori 314 dollarni tashkil qildi.

Tojikistonga 487 million dollar, Qirg‘izistonga 434 million dollar, Armanistonga 209 million dollar jo‘natildi. Eng ko‘pi - 1,7 milliard dollar Rossiyadan Shveytsariyaga o‘tkazilgan.

Xuddi shu davrda O‘zbekistondan Rossiyaga 103 mln dollar yuborilgan. O‘rtacha o‘tkazma miqdori 1 ming dollarni tashkil etdi.