O‘zbekiston Respublikasi Markaziy banki 2018 yil 5 iyundan boshlab valyuta operatsiyalari bo‘yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to‘lovlari uchun xorijiy valyutalarning so‘mga nisbatan quyidagi qiymatini belgiladi.
Unga ko‘ra, 1 AQSh dollari 38,18 so‘mga arzonlagan va 1 dollar 7944 so‘mu 07 tiyinga teng bo‘lib turibdi.
Shu tariqa, Amerika valyutasi kursi uch haftadan beri 8000 so‘mdan pastda turibdi - o‘tgan haftada dollar birinchi marta 7982 so‘mga tushib ketgandi.
Yevro kursi esa 36,53 so‘mga tushib, 9262,79 so‘mni tashkil qilgan.
1 Rossiya rubli kursi 0,16 so‘mga qimmatlashib 127,73 so‘mga yetgan.