Yevropa investitsiya banki (YeIB) «​Jizzax»​ erkin iqtisodiy zonasida qurilishi davom etayotgan Uzbekistan Peugeot Citroyon Automotive zavodiga 60 million yevro sarmoya kiritishni ma’lum qildi. 

O‘zbekiston Respublikasi Investitsiyalar bo‘yicha davlat qo‘mitasi Axborot xizmatining xabar qilishicha, 20-22 may kunlari O‘zbekistonga tashrif buyurgan Vazil Xudak boshchiligida YeIB delegatsiyasi va  «O‘zavtosanoat» vakillari o‘rtasida, O‘zbekistondagi avtosanoat sohasini rivojlantirish uchun, PSA Peugeot Citroën bilan amalga oshirilayotgan loyiha sarmoyalashtirilishi bo‘yicha kelishuv imzolangan.

Ma’lum qilinishicha, YeIB  umumiy investitsiyasi qariyb 130 mln. yevroga teng deb qayd etilgan loyihaga 60 million yevro sarmoya kiritishni rejalashtirmoqda. 

Qurilishi rejalashtirilayotgan qo‘shma korxonada yiliga 16 000 ta avtomobil ishlab chiqarilishi nazarda tutilgan.​