«O‘zbekneftegaz» shirkati Afg‘oniston shimolida uglevodorodlar qazib olishni mahsulotlarni taqsimlash to‘g‘risidagi shartnoma (MTSh) imzolagandan so‘ng boshlashni taklif qilmoqda. Bu haqda Afg‘oniston konchilik va sanoat vaziri vazifasini bajaruvchi Nargis Nixon Kun.uz muxbiriga aytib o‘tdi.

«Bugun-erta memorandum imzolanadi, unda biz uglevodorodlarni o‘zlashtirish va qazib olish bo‘yicha O‘zbekiston bilan munosabatlarni kengaytirishni rejalashtirmoqdamiz. Biz O‘zbekistondan ishchi guruh Afg‘onistonga istiqbolli konlar bilan tanishish uchun kelishiga kelishib oldik. Umid qilamanki, yaqin orada amaliy qadamlarni boshlaymiz», - dedi Nixon. U MTSh qanday shartlarda imzolanishi haqida gapirmadi.

Toshkentda bo‘lib o‘tayotgan muzokaralarda tomonlar Amudaryo neft va gaz havzasi (NGH) hududida bir nechta istiqbolli gaz va neft konlarini ko‘rib chiqmoqda. Turli hisob-kitoblarga ko‘ra, u 3 trillion kubometrgacha gaz va 500-600 million tonna suyuq uglevodorodlarni o‘z ichiga oladi, bu uni Markaziy Osiyo janubidagi ikkinchi yirik neft va gaz salohiyatiga ega.

Nixonning so‘zlariga ko‘ra, o‘zbek tomoniga 85 mln barrellik istiqbolli zaxiralari bo‘lgan uchta investitsion blok taklif etilgan.

«O‘zbekneftegaz» Turkmaniston chegarasi yaqinidagi konlarda (Juma va Bashikurt) gaz qazib olish ishlarida ham ishtirok etishi mumkin, deya qo‘shimcha qildi u. Afg‘oniston tomoni zaxiralarni 28 milliard kub metrga baholadi.