Ғазода «Ҳалокат куни». Ҳалок бўлган фаластинликлар сони ортиб бормоқда

Жаҳон 18:20 / 14.05.2018 14582

Ғазо секторида исроиллик ҳарбийлар билан тўқнашув оқибатида ҳалок бўлган фаластинликлар сони 37 нафарни ташкил қилмоқда. Бу ҳақда Соғлиқни сақлаш вазирлигига асосланган ҳолда Associated Press хабар тарқатган.

Тўқнашувлар оқибатида жароҳатланганлар сони 3000 нафарга яқинлашган.

Дастлабки хабарларда намойишлар вақтида 10 киши ҳалок бўлгани айтилганди. Шундан бери қурбонлар сони ортиб бормоқда.

13-14 май кунларида Ғазо секторида АҚШ Исроилдаги элчихонасини Тель-Авивдан ал-Қудсга (Қуддус) кўчиришидан норози бўлган фаластинликлар намойиш ўтказди, бу намойиш қуролли тўқнашувларга айланиб кетди.

Қолаверса, 15 май куни фаластинликлар учун Накба кунидир, бу кунни «Ҳалокат куни» деб ҳам аташади. Бу кун 1948 йил 14 майида Исроил давлатига асос солинишидан кейин келиб чиққан.

Фото: Синхуа
Фото: AFP
Фото: Reuters 

Бугун, маҳаллий вақт билан соат 16:00да Ал-Қудсда Американинг янги элчихонаси очилиш маросими бошланди.

Кўпроқ янгиликлар