Ўзбекистонда автомобиль ва бензин ишлаб чиқариш ҳажми ортди

Иқтисодиёт 12:44 / 10.05.2018 11696

Ўзбекистонда автомобиллар ишлаб чиқариш кўпайди. Бу ҳақда Давлат статистика қўмитасининг маълумотларида сўз юритилган.

Хусусан, январь-апрель ойлари якунларига кўра, 51 005 автомобиль ишлаб чиқарилди. 2017 йилда эса бу кўрсаткич 40 366тани ташкил этган. Шу тариқа, ўсиш 26,4%ни ташкил этди.

Бензин ишлаб чиқариш 3,7%га ортиб, 378,9 минг тоннани ташкил қилди (2017 йил январь ойида 365,5 минг тонна).

Бундан ташқари, автомобиль двигателлари ишлаб чиқариш 37%га ўсди.

Юк машиналари ва автобус ишлаб чиқариш деярли икки баробарга тушиб кетди. Хусусан, ўтган йилнинг январь-апрелда 300та автобус ва 1204та юк машинаси ишлаб чиқарилган бўлса, 2018 йилнинг худди шу даврида мос равишда фақат 144 ва 854та автобус ҳамда юк машинаси чиқарилди.

 

Кўпроқ янгиликлар