Toshkent viloyatining Ohangaron tumanidan o‘tuvchi, xalqaro ahamiyatga ega bo‘lgan A373 “Toshkent-O‘sh” avtomobil yo‘lining 142-kilometri hududida  maxsus avtomatlashtirilgan foto va video qayd qiluvchi  fotoradar o‘rnatilib, to‘liq ishga tushirildi. Uning yordamida tezlikni me'yoridan oshirgan haydovchilar qoidabuzarliklarni aniqlamoqda.

Bundan ko‘zlangan maqsad, deb xabar qilmoqda Toshkent viloyati IIB YHXB, tuman  hududida piyodalar bilan bog‘liq hamda tezlik oqibatida sodir bo‘lishi mumkin bo‘lgan yo‘l-transport hodisalarini oldini olish, ularning sonini keskin kamaytirish, haydovchilar hushyorligini oshirish va fuqarolar xavfsizligini ta'minlashdir.

Foto va videofiksatsiya moslamalarida qoidabuzarlik aniqlangan holatda, transport vositalari egalarining yashash manzillariga qonunchilikda belgilangan tartibda qarorlar chiqarilib, yuboriladi.

Yo‘l harakati qoidasini buzgan haydovchilarni aniqlashga mo‘ljallangan, avtomatlashtirilgan foto va video qayd etish texnika vositalari Toshkent viloyatining boshqa asosiy yo‘llari, shahar va tumanlarida bosqichma-bosqich o‘rnatilishi rejalashtirilgan.