Носируллоҳ юриб кетадими?

Халқ овози 22:17 / 14.04.2018 18151

Бу - синовли дунё. Аллоҳ барчамизга сабримиз етадиган даражада синов беради. Синов келганда эзгуликка ташна қалблар доим топилади, ёрдам беради.

Мана шундай синовлардан бирини Андижон шаҳрида истиқомат қилувчи Ҳаётхон Раҳмонова ҳам ўтказмоқда. Ҳаётхон опанинг Носируллоҳ исмли фарзанди бор. У 13 ойлигида фалокат юз бериб, йиқилиб тушган. 2,5 ёшлигида Носируллоҳ юрмай қўйган. Унга ДТСП ташхиси қўйилган. 5,5 ёшидан бери ногирон сифатида давлат рўйхатида туради.

Носируллоҳ гарчи соғлом бўлса-да, ақли заифлар мактабида ўқийди. Онаси уни опичлаб мактабга олиб боради. Мактабдан кейин она бечора Ҳиндистон мутахассисларининг тавсияси билан сузиш ва гимнастика спорт турларига қатнаштиради. Умид эса бор. Қиммат дорилар эвазига Носируллоҳ яна оёққа туриб кетиши мумкин. Аёл йиғлаб мен яшадим, кўрдим болам энди яшасин, боламни элига хизмат қилиб, сузиш бўйича чемпион бўлишини хоҳлайман холос, деб гапириши юракларни эзади.

Эр-хотин ҳеч қаерда ишлашмайди. Оила ногиронлик нафақаси ва дадасининг баъзан бўлиб, баъзан бўлмайдиган кунлик топган пули эвазига кун кечиради. Оила маҳалланинг эски масжид биносида яшайди. Суйганига синов берган Аллоҳ бир йил аввал ҳам синов бериб, бир хонали уйларида ёнғин чиққан. Ёнғиндан сўнг уй жуда ачинарли ҳолатга келиб қолган. Унинг устига ҳар уч ойда бир боласини шифохонага олиб бориб, шифокорлар тавсия қилган дори-дармонларни олиб мунтазам даволатиб турадиган оила моддий ёрдамга жуда муҳтож бўлиб қолган. Жуда қийналмоқда.

Азизлар, келинглар, Носируллоҳнинг оёққа туриб кетишига ёрдам берайлик. Орзуманд онанинг орзуси ушалишига ёрдам берайлик. Қурбимиз етганича, моддий ёрдамимизни аямайлик. Қўлларимизни очиб дуоларимизда Аллоҳга яқин оилага сабр ва шифо сўрайлик!

Қўшимча маълумотлар:

Манзил: Андижон вилояти, Андижон шаҳар, Тўхтасин Келдиев 5-тор кўчаси, 5-уй
Раҳмонова Ҳаётхон
Пластик карта рақами: Агробанк: 8600 0424 5582 6783
Телефон: +99891 2912980