Moskva birjasidagi savdolarda yevroning rublga nisbatan kursi 3,71 foizga o‘sdi va bir yevro uchun 74,03 rublga yetdi. Bundan savdolar haqidagi ma'lumotlar darak bermoqda.

So‘nggi marotaba yevroning 74 rubllik darajadagi kursi 2016 yilning 4 avgustida kuzatilgandi.

Dollar ham Moskva birjasida rublga nisbatan ancha mustahkamlandi. Xususan, Amerika valyutasi kursi avvalgi savdolar yakuni darajasiga nisbatan 3,54 foizga oshdi, bir dollar uchun 60,24 rubl.

Rubl va Rossiya bozorining kuchsizlanishi 6 aprel kuni AQSh hukumati tomonidan rossiyalik qator mansabdor shaxslar, tadbirkorlar kompaniyalarga nisbatan sanksiyalar joriy etilgani fonida yuz bermoqda.