Ostona shahrida "Qozog‘istonda O‘zbekiston turizmi yili" dasturi doirasida faol tadbirlar ketma-ketligi davom etmoqda.
O‘zbekiston Respublikasi Turizmni rivojlantirish davlat qo‘mitasi vakillarining xabar berishicha, Ostona shahridagi "Xan Shatir" savdo-ko‘ngilochar markazida Qozog‘iston-O‘zbekiston Turistik forumi doirasida "Buyuk Ipak yo‘li" brendiga bag‘ishlangan flesh-mob bo‘lib o‘tdi.
Flesh-mobda ikki mamlakatning 50 nafar talaba va ko‘ngillilari ishtirok etishdi. Ular mahalliy vaqt bilan soat 14:00da "Xan Shatir" savdo-ko‘ngilochar markazi atriumida to‘planishdi va qozoq hamda o‘zbek milliy raqslari - "Qara Jorg‘a" va "Andijon polkasi" raqslarini namoyish qilishdi.