Ular endi bizdan aqlliroq: robot Rubik kubigini 0,38 soniyada yig‘a oldi (video)

Fan-texnika 10:55 / 10.03.2018 14898

AQShning Massachusets texnologik instituti talabasi Ben Kats dasturchi Jyered Di Karlo bilan hamkorlikda yaratgan robot Rubik kubigini 0,38 soniyada yig‘a oldi va bu rekord natija bo‘ldi.

Avvalgi jahon rekordi 0,637 soniyani tashkil qilgan va nemis Albert Ber tomonidan yaratilgan Sub1 Reloaded robotiga tegishli bo‘lgan.

Robot ixtirochilari uning bunday hayratlanarli natija qayd qilganini robotni yaratishda “eng yaxshi dvigatellar” qo‘llangani bilan tushuntirishmoqda. Robot boshqotirmani hal qilish uchun kamera tomondan olingan ma'lumotlarni qabul qilib, ularni yurishlar ketma-ketligiga aylantiruvchi maxsus algoritmni qo‘llaydi.

“Biz Amazon’da topish mumkin bo‘lgan eng arzon kubikdan foydalandik, chunki oxir-oqibat natijaga erishish uchun bunday kubiklardan ko‘pini yo‘q qilamiz, deb o‘ylagandik. Biroq hammasi 4 ta kubik va yuzlab yechimlar bilan hal bo‘ldi”, deb aytgan Di Karlo.

Ta'kidlash joizki, tizim dastlab qizil va zarg‘aldoq rang o‘rtasidagi farqni ajrata olmagan, shu sababli ixtirochilar zarg‘aldoq rangli bo‘laklarni qora rangga bo‘yab chiqishgan.

Insonlar orasida ushbu boshqotirmani hal qilish bo‘yicha jahon rekordi amerikalik o‘smir Patrik Ponsga tegishli. O‘smir 15 yoshida 2017 yilda Virjiniyada o‘tgan musobaqada boshqotirmani 4,69 soniyada hal qila olgan. 

Ko‘proq yangiliklar: