«Manchester Yunayted» yozgi transferlar vaqtida jiddiy transferni amalga oshirmoqchi.

The Independent nashri tarqatgan xabarga ko‘ra inglizlar jamoasi yarim himoya chizig‘ini kuchaytirish uchun «Real»dan Toni Kroosni sotib olmoqchi. «Manchester Yunayted» ushbu germaniyalik futbolchini tarkibiga qo‘shib olish uchun 2014 yilda ham harakat qilib ko‘rgandi, jamoa ushbu transferni rasmiylashtirishga ulgurmagan, futbolchi Madrid klubiga o‘tgandi.

«Real» yozda bir qancha futbolchilarini sotmoqchi. «Manchester Yunayted» esa bundan foydalangan holda Kroosni qo‘lga kiritmoqchi. 

Ushbu xavbekning «Real» bilan shartnomasi muddati 2021/22 yilgi mavsum oxiriga qadar tuzilgan.

Kroosdan tashqari, «Manchester Yunayted» short-listiga Dortmundning «Borussiya» klubi yarim himoyachisi Yulian Vaygl ham kirgan. Ammo manchesterliklar birinchi navbatda «Real» futbolchisiga e'tiborini qaratishadi.

«Manchester Yunayted» bosh murabbiyi Joze Mourino Kroosdan Nemanya Matich va Pol Pogbani rotatsiya qilish uchun foydalanishni rejalashtirgan.