Falastin muammosining hal qilinmagani Yaqin Sharqda IShID kabi ekstremistik tashkilotlar va harakatlar paydo bo‘lishiga muhit yaratadi. Bu haqda xavfsizlik bo‘yicha Myunxen anjumanida Arab davlatlari ligasi bosh kotibi Ahmad Abu al-Gayt aytib o‘tdi. 

“IShID ham, birorta boshqa radikal guruh ham o‘z-o‘zicha Yaqin Sharqning muammosi hisoblanmaydi”, deb aytgan al-Gayt. Uning fikricha, IShID mag‘lubiyatga uchradi va yo‘qolmoqda. Al-Gaytning ta'kidlashicha, shu bilan birga “muammo IShID va unga o‘xshash guruhlarni vujudga keltiradigan muhitdan iborat va u Falastin masalasining tartibga solinmagani bilan bog‘liq”. 

Al-Gaytning qo‘shimcha qilishicha, “arab yoshlari va mintaqa aholisi Falastin yoddan chiqarilib, o‘z holiga tashlab qo‘yilgan, deb o‘ylab g‘azab va nafrat his qiladilar”.