AQSh barcha davlatlarni Shimoliy Koreya bilan aloqalardan voz kechishga, savdo aloqalarini uzishga, mahsulotlar yetkazib berishni to‘xtatishga chaqiradi. Bu haqda AQSh prezidentining milliy xavfsizlik masalalari bo‘yicha yordamchisi Gerbert Makmaster xavfsizlik bo‘yicha Myunxen anjumanida aytib o‘tdi.

“Kim Chen In tuzumiga bu shafqatsiz diktatura dunyoga vayronkor qurol bilan tahdid qilmasligi uchun ixtiyorimizda bo‘lgan barcha imkoni bor vositalar bilan bosim o‘tkazishimiz lozim, misol uchun, savdo, harbiy va boshqa aloqalarni cheklash, davlatlarimizdan shimoliy koreyalik mehnat muhojirlarini chiqarib yuborish bilan”, deb aytgan Makmaster va bunday qadamlarni amalga oshirmaydigan davlatlar mas'uliyatsiz harakat qilishlarini qo‘shimcha qilgan.